Endalaus hræðsluáróður

Það hefur löngum verið mál ESB-aðildarsinna að hin svokallaða regla um hlutfallslegan stöðugleika tryggði að veiðiheimildir við Íslandsstrendur færu aldrei úr landi og að sú regla væri óhagganleg. Allt tal um annað hefur verið afgreitt sem hræðsluáróður.

Síðastliðið vor kom svo út svokölluð grænbók framkvæmdastjórnar ESB um fiskveiðistefnuna og þar segir skýrum orðum að reglan um hlutfallslegan stöðugleika skili ekki tilætluðu árangri og að vel komi til greina að breyta henni.

Ekki hefur þetta haft nokkur minnstu áhrif á hugmyndir ESB-sinna. Nú síðast heyrðist það frá Þorsteini Pálssyni frv. forsætisráðherra og fulltrúa í samninganefnd Íslands vegna ESB umsóknar að reglan myndi tryggja að Íslendingar myndu ekki tapa neinum veiðiheimildum.

Hafa efasemdamenn um ágæti ESB aðildar nú um árabil bent á að það stefni í stofnun sameiginlegs ESB-hers, bent hefur verið á m.a að lagagrundvöllinn er að finna í Lissabonsáttmálanum sem gekk í gildi 1. des síðastliðinn og að margir málsmetandi aðilar innan ESB hafi viðrað slíkar hugmyndir. Hefur þetta alltaf verið kallað hræðsluáróður.

Ætli það sé einhver von til þess að það breytist í kjölfar þessara ummæla sem Morgunblaðið (og France 24, fyrir þá sem ekki treysta Mogganum) hafa eftir Guido Westerwelle?

Ætli viðbrögðin verði ekki frekar í líkingu við þessi skrif borgarfulltrúa Samfylkingarinnar þegar grænbókin kom út, þ.e að fréttamiðlar séu að misskilja misskilning Evrópu á sjálfri sér.

Þjóðverjar styðja stofnun Evrópuhers

Athugasemdir

[Óskar Þorkelsson, 7.2.2010 kl. 14:18]

hvaða máli skiptir þessu sameiginlegi evrópuher ?  ertu kannski að meina að ísland verði skylt að senda eins og eitt herfylki í þennan her ? 

[Hans Haraldsson, 7.2.2010 kl. 17:35]

Evrópuherinn skiptir miklu máli því fátt sýnir það jafn vel hversu rangt það er að nálgast þessi Evrópumál alltaf eins og þau séu fyrst og fremst efnahagsmál.

Auðvitað munu Íslendingar þurfa að leggja til liðsafla eins og aðrir.

[Óskar Þorkelsson, 8.2.2010 kl. 16:18]

fyrir mér skiptir þessi her absolutt engu máli... og hvaða liðsafla ættu íslendingar að leggja til ? 2 orrustuþotur og fjallaherdeild ?  ægir og týr ?

fyndinn boðskapur þetta